Quen debe presentar este imposto na Axencia Tributaria de Ceuta e Melilla?

A continuación infórmase dos obrigados, formas de presentación, documentación e prazos, para cada modelo de autoliquidación.

Nos casos en que unha persoa física reciba a herdanza dun falecido residente en Ceuta ou Melilla, deberá autoliquidar o imposto na AEAT destas cidades, agás aqueles herdeiros que sexan non residentes que deberán autoliquidar dentro do apartado de Non Residentes, correspondendo a súa xestión á Oficina Nacional de Xestión Tributaria. 

En calquera caso, se o falecido tivese a súa residencia no estranxeiro, deberá autoliquidar dentro do apartado de Non Residentes

Tamén deberá autoliquidar na AEAT cando se reciba por doazón un ben inmoble situado en Ceuta ou Melilla, ou ben cando a persoa que recibe a doazón teña a súa residencia nestas cidades para o resto de bens que non sexan inmobles.

Deberá presentar un Modelo de Autoliquidación diferente (650, 651 ou 655) dependendo de que se trate dunha sucesión, dunha doazón ou da extinción dun usufruto .

Importante: A xestión deste imposto de falecidos ou herdeiros non residentes ou doazón de inmobles situados no estranxeiro corresponde á Oficina Nacional de Xestión Tributaria.