Débedas externas

A Axencia Tributaria, ademais de xestionar o cobramento das débedas dos tributos que ten encomendados, encárgase tamén de xestionar o cobramento en período executivo de débedas doutras Administracións e organismos públicos cando estas non se pagaron en período voluntario. 

O procedemento de cobramento destas débedas de entes externos é basicamente  igual para todas, e en liñas xerais é practicamente o mesmo que o procedemento de cobramento  previsto para as débedas propias da AEAT. Iniciarase coa notificación da providencia de constrinximento. Nalgúns casos, a providencia de constrinximento é ditada polo ente externo e notificado pola AEAT e noutros a AEAT dítaa e notifica (depende do tipo de débeda). En ambos os dous casos, o que realiza a Axencia Tributaria  é exclusivamente o cobramento. Por iso, para coñecer o detalle do contido completo da débeda o debedor terá que dirixirse ao organismo que a xerou. 

Entre estas débedas a procedencia pode ser moi variada, desde Ministerios a Comunidades Autónomas e Concellos, e todo tipo de organismos públicos, podendose tratar de sancións ou liquidacións, reintegros ou outras  e corresponder a débedas tributarias ou outras de Dereito público. 

Nos supostos de recurso fronte a débedas externas cuxa providencia de constrinximento é ditada polo ente externo, o recurso contra ela debe coñecero e resolvero o ente externo. Nestes supostos a Axencia Tributaria  asume a xestión recadadora executiva en virtude do correspondente convenio.