Fundamentos do imposto. Concepto de valor engadido

Tal como indica a súa propia denominación, o IVE, comparando os valores iniciais e finais dos produtos, grava o incremento de valor que experimentan os bens e servizos como resultado do seu paso por cada unha das fases do proceso produtivo e de distribución ata que chegan ao consumidor final.

Os empresarios e profesionais repercuten sobre os adquirentes dos bens ou servizos a cantidade resultante de aplicar o tipo impositivo e poden, pola súa parte, deducir o IVE pago na adquisición de bens e servizos que incorporen á súa actividade empresarial ou profesional. Iso facilita o control do cumprimento tributario, pois os empresarios terán así gran interese en esixir a factura das súas compras para acreditar as súas deducións.

O IVE é un imposto que se aplica en todos os países da Unión Europea e que se encontra harmonizado dentro do seu ámbito.