Un imposto indirecto que grava o consumo

O Imposto sobre o Valor Engadido (IVE) é o máis importante dos impostos indirectos. Recae sobre as vendas, de xeito que o seu obxecto é o consumo considerado como unha manifestación indirecta da capacidade económica das persoas, na medida en que constitúe un acto de disposición da renda que revela o seu poder adquisitivo.

A diferenza do IRPF, o IVE non se vincula a cada persoa de forma concreta e determinada, xa que as circunstancias persoais e familiares non se consideran para determinar o importe que hai que satisfacer, de xeito que este é igual para todos os consumidores que adquiren o mesmo produto ou servizo.

O IVE grava as entregas de bens e prestacións de servizos efectuados por empresarios e profesionais e tamén as importacións desde dentro e fóra da Unión Europea. Agora ben, quen se relacionan con Facenda e deben pagar as cotas (suxeitos pasivos) son os empresarios e profesionais, que non son os que soportan no seu patrimonio o imposto Os que realmente págano, os verdadeiros contribuíntes, son os consumidores finais, que aboan o imposto dentro do prezo que pagan polo ben ou servizo que adquiren.

Nas Illas Canarias non se aplica o IVE senón un imposto parecido que se chama Imposto Xeral Indirecto Canario (IXIC). En Ceuta e Melilla, tampouco se aplica o IVE senón outro imposto que se chama Imposto sobre a Produción, os Servizos e as Importacións en Ceuta e Melilla (IPSI).