Fronteiras de España e da Unión Europea
Desde 1993, data de implantación do Mercado Único Europeo, xa non existen fronteiras físicas entre os distintos Estados membros da Unión Europea (entón 12 países e actualmente 27). Isto significa que as mercadorías e as persoas con equipaxes poden circular libremente dun Estado membro a outro dentro da Unión sen que existan controis administrativos.
Polo tanto, as fronteiras, que determinan o réxime tributario e comercial das mercadorías no interior dun territorio determinado, quedaron establecidas en 1993 entre o conxunto dos países da Unión Europea e os restantes países. Desde entón, o que interesa é o control do intercambio de mercadorías entre os Estados membros da Unión Europea e os "terceiros países" non pertencentes á mesma.