Territorio Aduaneiro da Unión (TAU)

Este control do movemento de bens, tanto de entrada na Unión Europea (importacións), como de saída da mesma (exportacións), lévase a cabo nas instalacións que coñecemos co nome de aduanas.

Así pois, nas aduanas (ou nos lugares que determinen as autoridades aduaneiras), deposítanse as mercadorías que van entrar ou saír do Territorio Aduaneiro da Unión (TAU) e que, antes de poder circular libremente na Unión Europea ou ser transportadas a outros países, están suxeitas a control con diferentes tipos de medidas.

O Territorio Aduaneiro da Unión basicamente coincide co territorio da Unión Europea, aínda que existen algunhas excepcións. Un exemplo: en España, Ceuta e Melilla forman parte do territorio da Unión Europea pero non se inclúen no Territorio Aduaneiro da Unión. Outro exemplo, San Marino e Mónaco non forman parte do territorio da Unión Europea pero si se inclúen no Territorio Aduaneiro da Unión.