Funcións e servizos públicos de distintas Administracións

Área: Coñecemento do Medio Natural, Social e Cultural. Tipo: Grupal. Nivel: Terceiro Ciclo de Educación Primaria.

• Construíde entre todos un mural con imaxes que recollan os servizos que ofrecen as distintas administracións públicas.

• Para iso, dividide a clase en grupos:

  • Un grupo debuxa nun mural a rede de estradas nacionais e autonómicas que hai na correspondente Comunidade Autónoma. Ponse en cor vermella as estradas nacionais; en cor verde, as autonómicas. Especifícase o seu número e sinálase o seu principio e o seu final.

  • Outro grupo pon noutro mapa a rede de colexios públicos e concertados que hai na correspondente localidade, bisbarra ou Comunidade Autónoma (os límites xeográficos ponos o profesor). Escríbese o seu nome e a súa localización.

  • Outro grupo marca o itinerario para chegar ao hospital cando un ponse doente e teñen que ingresaro para operarlle. Sinálanse no mapa todos os centros de saúde e hospitais dunha determinada circunscrición xeográfica.

  • Outro grupo indica onde están os parques de bombeiros e as comisarías de policía ou cuarteis da Garda Civil. Péganse no mural fotos dos distintos tipos de vehículos que utilizan para desprazarse. Por que todos os coches destes servizos pódense saltar un semáforo en vermello?

  • Outro grupo interésase polos servizos de axuda que prestan os nosos soldados e polas Forzas Armadas en xeral. Sinálase cales son os distintos exércitos e cales as súas misións. Indícanse as operacións internacionais en que participan na actualidade soldados españois e coloréanse nun mapamundi os países onde están.