Como presentar a declaración do IVE
Confección e presentación do modelo 303, declaración complementaria e copias da declaración
Errrores na declaración
Ante un erro na declaración, caben varias posibilidades en función do tipo de erro:
Se ingresaches de máis ou declaraches unha menor cantidade de IVE a compensar ou a devolver, poderás solicitar a rectificación da autoliquidación presentada antes de que transcorran catro anos desde que finalizou o prazo para presentar a referida autoliquidación.
Se ingresaches de menos ou declaraches unha maior cantidade de IVE a compensar ou a devolver, deberás presentar unha autoliquidación complementaria, marcando o recadro "autoliquidación complementaria" do modelo 303, indicar o número de xustificante da autoliquidación anterior e encher o recadro "Que hai que deducir (exclusivamente en caso de declaración complementaria)" co importe do resultado da anterior autoliquidación. Nas complementarias que correspondan a autoliquidacións presentadas a partir de 2023, o recadro “Que hai que deducir (exclusivamente en caso de declaración complementaria)” desaparece e substitúese por: recadro 70 para ingresos realizados ou recadro 109 para devolucións obtidas.
Se solicitaches a compensación e querías a devolución, ou viceversa, poderás solicitar a rectificación da autoliquidación presentada se non finalizou o prazo para presentar a declaración.
Se o erro se refire a un recadro informativo ou ao número de conta en que se solicita a devolución, ou outro erro que non afecta ao resultado da liquidación , deberás presentar unha solicitude de rectificación da autoliquidación antes de que transcorran catro anos desde que finalizou o prazo para presentar a referida autoliquidación.