Ámbito poboacional

A estatística Contas anuais Non consolidadas do Imposto sobre Sociedades é unha operación censual cuxo marco poboacional está constituído polas entidades que presentan declaración (modelo 200) no Territorio de Réxime Fiscal Común. Trátase, polo tanto, dunha poboación definida por dúas condicións: unha de carácter subxectivo que fai referencia á obriga de presentar declaración polo Imposto de Sociedades, e outra de carácter xeográfico, que alude á tributación exclusiva no Territorio de Réxime Fiscal e Común e en réxime de tributación compartida con País Vasco e Navarra.

A información requirida para elaborar esta estatística extráese das declaracións anuais do Imposto de Sociedades que as empresas deben presentar. Neste sentido hai que destacar que están suxeitas ao imposto toda clase de entidades con personalidade xurídica propia exceptuando as sociedades civís, e outras entidades carentes de personalidade xurídica propia entre as que cabe citar aos fondos e institucións de investimento colectivo inmobiliaria ou mobiliaria, fondos de pensións, fondos de capital – risco, fondos de regulación do mercado hipotecario, comunidades titulares de montes veciñais e algunhas outras. Sobre este marco poboacional de referencia establécense unhas excepcións na obriga de declarar a través de exencións na LIS .

Quedan excluídas as sociedades de garantía recíproca por seu escaso número para garantir o segredo estatístico.