Ganancias e perdas patrimoniais (bloque V)

Contén dous apartados:

• Ganancias e perdas patrimoniais integradas nas declaracións: neste apartado preséntase o número, importe e media das partidas da declaración correspondente, por un lado, ás ganancias e perdas patrimoniais a integrar na base impoñible xeral e, por outro, ás ganancias e perdas patrimoniais a integrar na base impoñible do aforro.
• Detalle das operacións realizadas con accións, dereitos de subscrición, fondos, inmobles, moedas virtuais e outras elementos patrimoniais afectos ou non á actividade económica:

  Nas táboas de Operacións por tipo de activo subxacente e por CA, as variables de explotación son as seguintes:

  • Número de operacións: é o número total de cada unha das transaccións declaradas en que se recoñece a existencia dunha alteración patrimonial que orixina unha renda, positiva ou negativa, a integrar na base impoñible do imposto baixo o concepto de ganancias ou perdas patrimoniais.
  • Importe: contía correspondente ao resultado de cada operación.
  • Operacións con ganancia cero: é o número de operacións cuxo resultado é igual a cero.
  • Número (Ganancias patrimoniais/Perdas patrimoniais): é o número de operacións cuxo resultado presenta signo positivo e o número de operacións cuxo resultado presenta signo negativo, respectivamente.
  • Importe medio: cociente entre o importe e o número no caso de ganancias e perdas patrimoniais. No caso da ganancia patrimonial neta é o cociente entre o resultado global e o número de operacións.

  Nas táboas de Detalle das operacións de transmisión de activos por tipo de activo e por CA, as variables de explotación son as seguintes:

  • Número: é o número de operacións con contido na partida ou grupo de partidas.
  • Importe: é o importe consignado na partida da declaración ou suma de partidas.
  • Media: é a media aritmética do importe total da partida entre o número de operacións desa partida.