Introdución

Desde o exercicio 2014, a explotación estatística por partidas do IVE está baseada na información obtida do agregamento de dúas fontes: as declaracións Resumo Anual de IVE (modelo 390, aprobado por Orde HAP 2373/2014 do 9 de decembro de 2014) que presentan todos os contribuíntes non exonerados no ámbito do Territorio de Réxime Fiscal Común, xa sexa con tributación exclusiva ao Estado ou con tributación a varias administracións; e as declaracións periódicas presentadas polos suxeitos pasivos exonerados da presentación do Resumo Anual. Esta integración permitiu obter datos completos da totalidade dos declarantes IVE dun exercicio, e a plena comparabilidade das cifras da Estatística dos sucesivos exercicios e as correspondentes aos exercicios anteriores.

O Real decreto 596/2016 do 2 de decembro implementa unha obriga para os declarantes de periodicidade mensual do Imposto sobre o Valor Engadido consistente na leva dos libros rexistro de facturas a través da Sede electrónica da Axencia Tributaria, o procedemento denomínase "Sistema Inmediato de Información", polas súas siglas SII. A entrada en vigor do Real decreto o pasado 1 de xullo de 2017 supón a eliminación da obriga de presentar o modelo 340 e o modelo 390, por iso, para a elaboración desta estatística, a partir do exercicio 2017, incorpórase, ademais, unha pseudodeclaración do modelo 390 para os obrigados ao SII , utilizando distintas fontes de datos (véxase "Nota explicativa dos cambios metodolóxicos do 2017).

O imposto sobre o valor engadido é un imposto cunha importante transcendencia recadadora, tratandose ademais dun dos máis significativos entre os ingresos non financeiros do Estado.

Todo iso, xustifica a necesidade de coñecer en detalle as magnitudes integradas na liquidación do imposto en computo anual e con referencia aos distintos réximes de tributación, tramos de Base Impoñible e agregamento territorial que destaca o contido desta publicación.