Representatividade da estatística

Representatividade da estatística

Antes de desenvolver o contido concreto desta Estatística de Pemes, incorporouse un módulo de cobertura. Trátase de contextualizar o ámbito poboacional dentro do marco global da actividade económica do país para cada tipoloxía.

Cobertura das pemes societarias: Utilízase como marco de referencia a totalidade das empresas non financeiras cuxos datos agregados se publican na Estatística de contas anuais non consolidadas do Imposto sobre sociedades, así como o subconxunto de pemes societarias segundo criterio da Unión Europea e as pemes obxecto desta publicación.

Preséntanse os datos referidos á conta de Perdas e Ganancias obtidas das declaracións anuais do imposto sobre sociedades e as variables da liquidación que se obteñen da Estatística de Contas Anuais Consolidadas (correspondentes ás sociedades e grupos non financeiros que tributan en réxime de consolidación fiscal), así como a representatividade dos dous colectivos seleccionados nesta estatística para todos os elementos da mesma.

Cobertura das pemes non societarias: Utilízase como marco de referencia a totalidade dos empresarios individuais que realizan actividades baixo a modalidade de estimación directa na determinación do rendemento da actividade.

Preséntanse os datos da conta de resultados tal como está publicada na Estatística de rendementos de actividades económicas no IRPF para a modalidade de estimación directa, e a representatividade do colectivo seleccionado nesta estatística para todos os elementos da mesma. Óbténse o grao explicativo que representan as pemes seleccionadas no marco da actividade económica non societaria.