3.2 Compras correntes

Suma das compras totais e de compras correntes estimadas para determinados réximes especiais (como no caso das vendas, o método localízase no Anexo I)

O concepto de compras correntes utilizado implicitamente na Lei de IVE abarca, en termos do Plan Xeral Contable, as "compras e traballos realizados por outras empresas" do subgrupo 60 e os gastos en I + D en arrendamentos e canons, en reparación e conservación, en servizos profesionais, de transporte, en publicidade, subministracións e outros servizos incluídos nos servizos bancarios que non teñan as condición de gastos financeiros.

As compras correntes clasifícanse por orixe en cinco grupos:

1. Compras interiores (CCTOI), refírese ás compras de bens e servizos correntes realizadas dentro do territorio de aplicación do imposto e que se consignan nas partidas 48 e 512..
2. Compras Agrarias (CCTAG), son adquisicións realizadas aos agricultores en réxime especial agrario, consígnanse na partida 60.
3. Importacións (CCTM), son as compras de bens correntes a terceiros países de fóra da Unión Europea, consígnanse na partida 52 e inclúese neste concepto as bases impoñibles das operacións asimiladas ás importacións de bens.
4. Adquisicións Intracomunitarias (CCTAI), son as compras realizadas dentro da Unión Europea e veñen consignadas na partida 56.
5. Adquisicións Intracomunitarias de servizos (CCTAS), son os servizos realizados dentro da Unión Europea e veñen consignados na partida 597.

Para elaborar a distinción entre compras deducibles e compras non deducibles transformouse a declaración de cada suxeito pasivo na parte relativa ás deducións engadindo a distinción entre compras totais (CCT) e compras deducibles (CCD) para cada nivel de desagregación das mesmas. Os tipos medios de IVE soportado nestas adquisicións cumpren a esixencia de encontrarse na banda de tipos legais de IVE.

No caso de declarantes que realizan de forma exclusiva operacións suxeitas e non exentas ou operacións exentas con dereito a dedución verifícase que: CCT = CCD

As compras correntes totais (CCT) defínense como: CCT = CCTOI + CCTM + CCTAI + CCTAS + CCTAG

As compras correntes deducibles (CCD) defínense como: CCD = CCDOI + CCDM + CCDAI + CCDAS + CCDAG

As compras correntes non deducibles (CCTSD) calcúlanse: CCTSD = CCT – CCD

As compras correntes estimadas en réxime simplificado denomínanse CCTSIMP.

As compras correntes estimadas en recarga de equivalencia denomínanse CCTREQ e defínese como:

CCTREQ = Par35 + Par599 + Par601 + Par41 + Par43 + Par45

As Compras correntes estimadas en réxime especial agrícola, gandeiro e pesqueiro (BCAGR) defínense como:

BCAGR = Par61/ t_A

As compras correntes (CC) defínense como: CC = CCT + CCTSIMP + CCTREQI + BCAGR

Nota do contido Táboa Tipo III:

Na Táboa Tipo III inclúense as variables esenciais descritas no epígrafe de "Compras Corrientes" e, entre elas, o concepto de "Compras correntes deducibles" que é un dos compoñentes da Base Teórica.