3.3 Investimento neto

É o resultado de sumar os conceptos de investimento deducible e non deducible de réxime xeral e réxime simplificado e minoraro na contía do desinvestimento.

IN = BCID + CITSD - DESINV

Compras de investimento deducible en réxime xeral (CID)

De xeito similar ás compras correntes clasifícanse por orixe en tres grupos:

1. Operacións interiores: refírese ás compras de investimento dentro do territorio de aplicación do imposto e consígnanse na partida 50 e na 520.
2. Importacións: as compras de bens de investimento realizado a terceiros países de fóra da Unión Europea, consígnanse na partida 54.
3. Adquisicións Intracomunitarias: compras de bens de investimento realizado dentro da Unión Europea, veñen consignadas na partida 58.

Como no caso das compras correntes, para elaborar a distinción entre compras deducibles e compras non deducibles transformouse a declaración de cada suxeito pasivo na parte relativa ás deducións engadindo a distinción entre compras totais (CIT) e compras deducibles (CID) para cada nivel de desagregación das mesmas.

No caso de declarantes que realizan de forma exclusiva operacións suxeitas e non exentas ou operacións exentas con dereito a dedución verifícase que:

CIT = CID

Este suposto corresponde coa plena deducibilidade das cotas soportadas na adquisición de bens de investimento. E tal como se explica para as compras correntes ao concepto de compra total e compra deducible relaciónase a través da pro rata. A porcentaxe de pro rata, P, defínese como:

Compras de investimento deducible en réxime simplificado (BDEDRSI)

Importe correspondente á base impoñible do IVE soportado na adquisición de activos fixos declarados polos suxeitos acollidos ao réxime simplificado.

Compras de Investimento deducible (BCID)

É a suma das compras de investimento deducible en réxime xeral e simplificado.

Desinvestimento (DESINV)

Importe correspondente ás entregas de bens de investimento do réxime xeral e do réxime simplificado (partidas 106 e 107 e partida 78).

Nota do contido Táboa Tipo III:

Na Táboa Tipo III inclúense as variables esenciais descritas en epígrafe de "Investimento Neto" e, entre elas, o concepto de "Compras de Investimento deducible" e "Desinvestimento" cuxa diferenza constitúe o "Investimento Neto deducible" que é un dos compoñentes da Base Teórica.