A reutilización da información na Axencia Tributaria

Datos abertos pon á túa disposición recursos de información pública xerados por unidades da Axencia Tributaria para a súa reutilización.

Que é a reutilización?

A reutilización (tamén coñecida como iniciativa “datos abertos ”) consiste no uso de documentos elaborados ou custodiados polas Administracións e organismos do sector público, por persoas físicas ou xurídicas, con fins comerciais ou non comerciais.

A reutilización beneficiará tanto ás persoas que reempreguen a información como á sociedade en xeral, ao contribuír ao crecemento económico e a creación de emprego.

Formatos dispoñibles para a reutilización

A reutilización está intimamente ligada á Administración electrónica e á sociedade da información, polo que o formato idóneo para a disposición dos documentos a reempregar será o electrónico.

Se a información que solicitas vai requirir algún tipo de tratamento ou reelaboración por parte da Axencia Tributaria,  debes utilizar a vía do dereito de acceso e non a da reutilización da información (iniciativa Datos abertos ).　　

Encontrarás toda a información sobre o dereito de acceso na seguinte ligazón:　　

Dereito de acceso á información pública Nova xanela