Consellos Territoriais para o Enderezo e Coordinación da Xestión Tributaria

Órganos colexiados integrados por catro persoas representantes da Administración Tributaria do Estado, unha delas a persoa titular da  Delegación Especial da Axencia Estatal de Administración Tributaria / Delegación da Axencia Estatal de Administración Tributaria en Ceuta e Melilla que o preside, e catro da Comunidade Autónoma ou da Cidade con Estatuto de Autonomía de que se trate.

Funcións:

Desenvolven as seguintes funcións no que fai á xestión dos tributos cedidos no seu respectivo ámbito territorial, de acordo coas directrices do Consello Superior para o Enderezo e Coordinación da Xestión Tributaria:

• Coordinar a xestión dos citados tributos.

• Analizar e valorar os resultados da súa aplicación.

• Estudar as propostas e adoptar as decisións que contribúan á mellora da súa xestión.

• Formular ao enderezo da Axencia Estatal de Administración Tributaria e ao órgano ou entidade da Comunidade Autónoma ou Cidade con Estatuto de Autonomía competente na xestión dos tributos cedidos propostas orientadas á mellora da adecuación á xestión dos medios dispoñibles.

• Desenvolver e concretar os programas incluídos nos plans de control tributario, así como deseñar e planificar a execución de actuacións coordinadas en determinados programas.

• Non obstante, os Consellos Territoriais para o Enderezo e Coordinación da Xestión Tributaria das Cidades de Ceuta e Melilla non exercen estas funcións en tanto non se produza a cesión de tributos.

• Colaborar na xestión destes tributos, especialmente na daqueles cuxa aplicación afecte aos recursos ou actividade da outra Administración, e na xestión recadadora de dereitos da Facenda Pública Autonómica realizada por encomenda ou convenio.

• Analizar os resultados dos plans de obxectivos, así como ser informado periodicamente dos plans anuais de obxectivos.

• Adoptar acordos en materia de intercambio de información entre as Administracións estatal e autonómica e analizar o seu grao de cumprimento.

• Decidir a aplicación dos actos susceptibles de encomenda de xestión entre a Axencia Estatal de Administración Tributaria e as Comunidades Autónomas e Cidades con Estatuto de Autonomía.

• Propor, recibir para o seu estudo e analizar os proxectos de convenios entre a Axencia Estatal de Administración Tributaria e a Administración Tributaria Autonómica.

• Aprobar os ditames que procedan sobre a tributación aplicable no caso de conflito entre a Administración Xeral do Estado e as Comunidades Autónomas ou Cidades con Estatuto de Autonomía en relación con tributos ou débedas tributarias incompatibles.

• Adoptar acordos encamiñados a incentivar o uso dos servizos telemáticos postos a disposición dos contribuíntes por ambas as dúas administracións.

• Establecer plans conxuntos de formación sobre materias relacionadas coa xestión dos tributos.