Agrupacións europeas de interese económico

O artigo 44 da  LIS regula o réxime fiscal especial aplicable ás Agrupacións europeas de interese económico reguladas polo Regulamento (CEE ) nº 2137/85 do Consello, do 25 de xullo de 1985, onde se establece que só poderán ser membros dunha agrupación europea de interese económico as sociedades, así como outros entes de dereito público ou privado constituídos de conformidade coa lexislación dun Estado membro, que teñan a súa sede estatutaria ou legal e a súa administración central na Comunidade.

Igualmente, cando de acordo coa lexislación dun Estado membro, unha sociedade ou outro ente xurídico non teña a obriga de ter unha sede estatutaria ou legal, será suficiente para que teña a consideración de Agrupación europea de interese económico que esta sociedade ou ente xurídico teña a súa administración central na Comunidade.

Tamén poderán ser membros dunha agrupación europea de interese económico as persoas físicas que exerzan unha actividade industrial, comercial, artesanal, agrícola, de profesión liberal ou doutros servizos na Comunidade.

Polo tanto, a partir do 1 de xaneiro de 2021  este tipo de joint venture, constituídas por entidades españolas e británicas, non podería considerarse Agrupación europea de interese económico e non lle sería de aplicación o réxime fiscal especial de imputación de rendas aos socios establecidos no artigo 44 da LIS .