Réxime especial das fusións, escisións, achegas de activos, troco de valores e cambio de domicilio social dunha Sociedade Europea ou unha Sociedade Cooperativa Europea dun Estado membro a outro da Unión Europea

Este réxime regulado nos artigos 76 a 89 da LIS fai referencia ás operacións de reestruturación empresarial e supón un adiamento da tributación das rendas latentes nos elementos patrimoniais transmitidos como consecuencia da realización das devanditas operacións.

A entidade transmitente nunha fusión ou escisión que se acolla a este réxime, non integra a renda derivada da diferenza entre valor de mercado e valor fiscal dos elementos transmitidos e intégranse no patrimonio da entidade beneficiaria co mesmo valor que tiñan na entidade transmitente. Así mesmo, os socios valoran as accións ou participacións da entidade disolta ao mesmo valor fiscal que tiñan os valores dados de baixa.

A aplicación deste réxime na normativa española se proxecta non só sobre operacións de reestruturación empresarial en que participan entidades residentes na  UE senón tamén a operacións en que os bens transferidos se sitúan nun terceiro Estado sempre que se manteña a posibilidade dun posterior gravame por parte do Estado español.

A aplicación deste réxime ao cambio de domicilio social dunha Sociedade Europea ou unha Sociedade Cooperativa Europea dun Estado membro a outro da UE será igualmente inoperante a partir do 1 de xaneiro de 2021 en cambios de domicilio ao Reino Unido.