Información sobre Facendas forais

Araba-Áraba

Teléfono de información: 945 18 15 55

Páxina web:www.araba.eus

A normativa á que estea suxeita a entidade con respecto ao Imposto sobre Sociedades determina a forma ou lugar de presentación.

MODELO 200 de declaración-liquidación do Imposto sobre Sociedades e do Imposto sobre a Renda de non Residentes correspondente a establecementos permanentes e entidades en réxime de atribución de rendas constituídas no estranxeiro con presenza no Territorio Histórico de Áraba, para os períodos impositivos iniciados entre o 1 de xaneiro e o 31 de decembro de 2025 (modelo aprobado pola Orde Foral 380/2026, da Segunda Tenente de Deputado Xeral e Deputada Foral do Departamento de Facenda, Finanzas e Orzamentos, do 23 de xuño e publicado no BOTHA do 29 de xuño de 2026).

• Lugar de presentación

  As entidades que tributen conforme á normativa alavesa confeccionarán a súa autoliquidación correspondente ao modelo 200 mediante o programa de axuda desenvolvida polo Departamento de Facenda, Finanzas e Orzamentos da Deputación Foral de Áraba e presentarana obrigatoriamente por vía telemática a través da Sede Electrónica.

  O programa de axuda poderá ser descargado desde a páxina oficial da Deputación Foral de Áraba www.araba.eus e mediante o mesmo accederase ao modelo 200.

  As entidades que tributen conforme á normativa estatal, biscaíña ou guipuscoana confeccionarán a súa autoliquidación utilizando os medios informáticos desenvolvidos pola súa Administración tributaria competente por razón de normativa, transmitindo obrigatoriamente por vía telemática os ficheiros así obtidos a través de Sede Electrónica.

  As entidades que tributen conforme a normativa navarra cubrirán en liña na Sede Electrónica da Deputación Foral de Áraba unha declaración resumo, á que anexarán o ficheiro da súa declaración completa, confeccionado cos medios informáticos aprobados pola Facenda Foral de Navarra, en formato PDF, TIF, TIFF ou ZIP.

  As autoliquidacións do modelo 200 remitiranse obrigatoriamente por vía telemática á Facenda Foral de Áraba a través de Sede Electrónica calquera que sexa o seu resultado: positivo, nulo ou con dereito a devolución.

MODELO 220 de declaración-liquidación do Imposto sobre Sociedades correspondentes a entidades representantes dun grupo fiscal que tribute polo réxime especial regulado no Capítulo VI do Título VI da Norma Foral 37/2013, para os períodos impositivos iniciados entre o 1 de xaneiro e o 31 de decembro de 2025 (modelo aprobado pola Orde Foral 380/2026, da Segunda Tenente de Deputado Xeral e Deputada Foral do Departamento de Facenda, Finanzas e Orzamentos, do 23 de xuño e publicado no BOTHA do 29 de xuño de 2026).

Lugar de presentación

• Grupos fiscais suxeitos a normativa alavesa

  Deberán realizar e presentar a declaración do Imposto sobre Sociedades no modelo 220 as entidades representantes daqueles grupos fiscais que tributen no réxime de consolidación fiscal suxeitos a normativa alavesa (Capítulo VI, Título VI da Norma Foral 37/2013).

  A declaración presentarase obrigatoriamente por vía telemática a través de Sede Electrónica da Deputación Foral de Áraba.

  O programa de axuda poderá ser descargado desde a páxina oficial da Deputación Foral de Áraba www.araba.eus e mediante o mesmo accederase ao modelo 220.

  Todas as sociedades integrantes do grupo presentarán na Facenda Foral de Áraba as declaracións establecidas para o réxime de tributación individual nos modelos aprobados nas súas respectivas normativas.

• Grupos fiscais suxeitos a normativa estatal, biscaíña ou guipuscoana

  As entidades representantes dos grupos fiscais que tributen conforme a normativa estatal, biscaíña ou guipuscoana confeccionarán a súa autoliquidación utilizando os medios informáticos desenvolvidos pola súa Administración tributaria competente en razón das normas que sexan de aplicación, transmitindo obrigatoriamente por vía telemática os ficheiros así obtidos a través de Sede Electrónica.

  As sociedades integrantes do grupo con volume de operacións no Territorio Histórico de Áraba presentarán na Facenda Foral de Áraba as declaracións establecidas para o réxime de tributación individual nos modelos aprobados nas súas respectivas normativas.

• Grupos fiscais suxeitos a normativa navarra

  As entidades representantes dos grupos fiscais que tributen conforme a normativa navarra cubrirán en liña en Sede Electrónica da Deputación Foral de Álavauna declaración resumo, á que anexarán o ficheiro da súa declaración completa, confeccionado cos medios informáticos aprobados pola  Facenda Foral de Navarra, en formato PDF, TIF, TIFF ou ZIP.

  As sociedades integrantes do grupo con volume de operacións no Territorio Histórico de Áraba presentarán na Facenda Foral de Áraba as autoliquidacións establecidas para o réxime de tributación individual nos modelos aprobados nas súas respectivas normativas.

• Presentación telemática (para ambos os dous modelos)

  As autoliquidacións do modelo 220 remitiranse obrigatoriamente por vía telemática á Facenda Foral de Áraba a través de Sede Electrónica calquera que sexa o seu resultado: positivo, nulo ou con dereito a devolución.

• Formas de pagamento (para ambos os dous modelos)

  No suposto de autoliquidacións con resultado a ingresar presentadas en prazo deberase realizar o pagamento mediante unha das seguintes modalidades:

  1. Pagamento por domiciliación bancaria, en cuxo caso a entidade financeira seleccionada deberá figurar na Orde Foral 195/2025, do 28 de marzo, pola que se relacionan as entidades co-laboradoras na xestión recadadora da Deputación Foral de Áraba.

  2. Pagamento mediante carta de pagamento emitido por Deputación Foral de Áraba no momento de presentación da autoliquidación.

  No suposto de autoliquidacións con resultado a ingresar presentadas fóra de prazo deberase realizar o pagamento mediante carta de pagamento emitido por Deputación Foral de Áraba no momento de presentación da autoliquidación.

• Prazo de presentación (para ambos os dous modelos)

  A autoliquidación presentarase no prazo dos 25 días naturais seguintes aos seis meses posteriores á conclusión do período impositivo.

  Os contribuíntes suxeitos a normativa do Territorio Histórico de Áraba cuxo prazo se iniciase con anterioridade á entrada en vigor da presente Orde Foral, poderán presentar a autoliquidación dentro dos 25 días naturais seguintes á entrada en vigor desta Orde Foral.

  Os contribuíntes suxeitos a unha normativa diferente da alavesa presentarán as súas autoliquidacións nesta Facenda Foral conforme aos prazos establecidos na súa respectiva normativa.