Prazos de presentación

A declaración presentarase no prazo dos 25 días naturais seguintes aos 6 meses posteriores á conclusión do período impositivo.

Se ao inicio do indicado prazo non se determinase polo ministro de Facenda e Administracións Públicas a forma de presentar a declaración dese período impositivo, a declaración presentarase dentro dos 25 días naturais seguintes á data de entrada en vigor da norma que determine a devandita forma de presentación. Non obstante, en tal suposto o contribuínte poderá optar por presentar a declaración no prazo ao que se refire o parágrafo anterior cumprindo os requisitos formais que se establecesen para a declaración do período impositivo precedente.

Os contribuíntes totalmente exentos non estarán obrigados a declarar.

Os contribuíntes parcialmente exentos estarán obrigados a declarar a totalidade das súas rendas, exentas e non exentas. Non obstante, os contribuíntes a que se refire o apartado 3 do artigo 9  LIS non terán obriga de presentar declaración cando cumpran os seguintes requisitos:

1. Que os seus ingresos totais non superen 75.000 euros anuais.

2. Que os ingresos correspondentes a rendas non exentas non superen os 2.000 euros anuais.

3. Que todas as rendas non exentas que obteñan estean sometidas a retención.