Como modificar unha declaración xa presentada

Ante un erro na declaración, caben varias posibilidades en función do tipo de erro:

Se ingresaches de máis ou declaraches unha menor cantidade a devolver polo Imposto sobre Sociedades (situación favorable para o contribuínte), poderás solicitar a rectificación da autoliquidación presentada antes de que transcorran catro anos desde que finalizou o prazo para presentar a referida autoliquidación.

Se ingresaches de menos ou declaraches unha maior cantidade a devolver polo Imposto sobre Sociedades (situación desfavorable para o contribuínte), deberás presentar unha autoliquidación complementaria, marcando o recadro "autoliquidación complementaria" do modelo 200, indicar o número de xustificante da autoliquidación anterior e encher o recadro "Que hai que deducir (exclusivamente en caso de declaración complementaria)" co importe do resultado da anterior autoliquidación.

Se o erro se refire a un recadro informativo ou ao número de conta en que se solicita a devolución, ou outro erro que non afecta ao resultado da liquidación , deberás presentar unha solicitude de rectificación da autoliquidación antes de que transcorran catro anos desde que finalizou o prazo para presentar a referida autoliquidación.