Novidades publicadas no INFORMA 2023

Novidades publicadas no INFORMA durante o mes de XULLO

Con efectos d esde 30 de xuño de 2023 os investimentos en novas infraestruturas de recarga de vehículos eléctricos poderán amortizarse en función do coeficiente que resulte de multiplicar por 2 o coeficiente de amortización lineal máximo previsto nas táboas de amortización oficialmente aprobadas.

Para a aplicación da amortización acelerada esixirase o cumprimento dos seguintes requisitos : Achega da documentación técnica preceptiva e obtención do certificado de instalación eléctrica.

Cando un activo estea formado por partes separables por natureza, que presenten unha vida útil diferente, deberase amortizar por separado cada unha desas partes segundo o que se establece na normativa contable aplicable.

Unha planta solar fotovoltaica pode estar comprendida dentro das Centrais renovables da táboa de amortización da letra a) do apartado 1 do artigo 12 da LIS , e a estrutura que soportará a instalación de placas fotovoltaicas podería considerarse comprendida na categoría de Resto instalacións, cuxo coeficiente de amortización lineal máximo é do 10 %e o seu período de amortización máximo é de 20 anos.

A dedución do artigo 36.3 da LIS configúrase arredor dos gastos realizados en cada período impositivo relacionado co desenvolvemento de determinadas actividades. Para determinar os gastos que xeran o dereito á dedución en cada período impositivo haberá que estar a aqueles que teñan tal cualificación desde un punto de vista contable nos devanditos períodos.

Un grupo musical que percibe un importe fixo, polas súas actuacións, non xera o dereito á dedución , prevista no artigo 36.3 da LIS , na medida en que non asume o risco do desenvolvemento de actividades de produción e exhibición dos espectáculos.