Novidades publicadas no INFORMA 2021

Novidades introducidas no INFORMA durante o mes de SETEMBRO

Con efectos para os períodos impositivos que se inicien a partir do 1 de xaneiro de 2021, ademais dos regulados con anterioridade a esa data na LIS, incorpóranse dous novos requisitos, por unha parte, esíxese o certificado emitido polo Instituto da Cinematografía e das Artes Audiovisuais ou polo órgano correspondente da Comunidade Autónoma acreditando o carácter cultural da produción e por outra, solicítase a incorporación nos títulos de crédito da obra dos lugares específicos de rodaxe en España e a autorización do uso do título da obra e de material gráfico e audiovisual de prensa para a realización de actividades e elaboración de materiais de promoción en España e no estranxeiro con fins culturais ou turísticos.

Cando a actividade arrendamento é desempeñada por unha comunidade de bens, en que participa unha sociedade, para a súa consideración como actividade económica cómpre que a propia comunidade de bens cumpra cos requisitos establecidos no artigo 5 da LIS.

Unha  UTE  cuxos membros son persoas físicas, e un deles determina o seu rendemento empresarial mediante o réxime de estimación obxectiva, non é contribuínte do Imposto sobre Sociedades.

A aprobación dun dividendo a conta dun exercicio non ten incidencia no incremento de fondos propios que establece o artigo 25 da   LIS para o cálculo da reserva de capitalización no exercicio en que se aproba, pero si afectaría á determinación do incremento dos fondos propios do período impositivo seguinte.

Ditarase acordo de baixa provisional no índice de entidades, previa audiencia co interesado cando se proceda á declaración de falido por insolvencia total da entidade respecto de débitos tributarios  coa Facenda Pública do Estado e cando a entidade non presentar a declaración polo Imposto sobre  Sociedades correspondentes a 3 períodos impositivos consecutivos.

Con efectos para os períodos impositivos que se inicien a partir do 1 de xaneiro de 2021 substitúese o réxime de adiamento, previsto anteriormente no caso de cambio de residencia dunha entidade, por un réxime de fraccionamento por quintas partes anuais iguais. O exercicio desta opción realizarase na declaración do período impositivo concluído con ocasión do cambio de residencia.