Novidades publicadas no INFORMA 2019

Novidades introducidas no INFORMA durante o mes de XANEIRO

Para períodos impositivos que se inicien a partir do 1 de xaneiro de 2018 as variacións de valor de elementos patrimoniais cando deban imputarse a unha conta de reservas por así establecero unha norma legal ou regulamentaria terán efectos fiscais.

Os cargos e aboamentos a contas de reservas, que teñan a consideración de gastos ou ingresos, respectivamente, en canto teñan efectos fiscais integraranse por partes iguais na base impoñible correspondente a cada un dos tres primeiros períodos impositivos que se inicien a partir do 1 de xaneiro de 2018.

Os ingresos derivados do desenvolvemento dunha actividade económica por unha entidade sen ánimo de lucro de nova creación, así como as doazóns, subvencións ou cotas dos asociados que se utilicen para financiar a devandita actividade económica estarán suxeitas e non exentas ao Imposto sobre Sociedades, e a entidade podería aplicar no primeiro período impositivo en que a base impoñible resultase positiva e no seguinte o tipo do 15 por cento.