Cálculo pagamento fraccionado segundo a modalidade regulada no artigo 40.2 LIS

Para determinar a contía do pagamento fraccionado de acordo coa modalidade prevista no artigo 40.2 LIS, procederase da seguinte maneira:

1. Tomarase como base de cálculo a cota íntegra do último período impositivo cuxo prazo de declaración estivese vencido o día 1 do mes abril, outubro ou decembro, segundo corresponda, minorada nas deducións e bonificacións que lle foren de aplicación, así como nas retencións e ingresos a conta correspondentes a aquel.

2. Á referida base de cálculo aplicaráselle a porcentaxe de 18%, obtendo como resultado a contía do pagamento fraccionado correspondente.

Como regra especial, debe sinalarse que cando o último período impositivo concluído sexa de duración inferior ao ano, debe ser tomada tamén en conta a parte proporcional da cota de períodos impositivos anteriores, ata completar un período de doce meses.