Base Impoñible, tipo impositivo e cota tributaria

A base impoñible do imposto está constituída pola cantidade de plástico non reciclado, expresada en quilogramos, contida nos produtos obxecto do imposto.

A cantidade de plástico reciclado contida nos produtos obxecto do imposto debe ser certificada por entidade debidamente acreditada para emitir a correspondente certificación.

A falsa ou incorrecta certificación, constitúe unha infracción tributaria específica grave que se sanciona cunha multa pecuniaria proporcional do 50% da cota deixada de ingresar e un mínimo de 1.000 euros (porcentaxe que se poderá incrementar nun 25% en caso de comisión repetida).

De forma transitoria, durante os 12 meses seguintes á aplicación do imposto, o 1 de xaneiro de 2023, tamén se poderá acreditar a cantidade de plástico non reciclado contida nos produtos obxecto do imposto mediante unha declaración responsable asinada polo fabricante.

Con relación a esta cuestión facer dúas consideracións.En primeiro lugar, que cando o produto obxecto do imposto está composto de plástico e outros materiais, o produto só tributa polo plástico non reciclado que contén.En segundo lugar, que cando o produto obxecto do imposto polo que xa se tivese devindicado o imposto se incorporan outros elementos de plástico que pasan a formar parte deste, o produto só tributa polo plástico non reciclado contido nos elementos incorporados.

O tipo impositivo aplicable é de 0,45 euros por quilogramo de plástico non reciclado contida nos produtos obxecto do imposto.

Finalmente, a cota íntegra resultará de aplicar á base impoñible o tipo impositivo.