Liquidación e pagamento do imposto
Infórmate das obrigas tributarias de liquidación e pagamento do Imposto
Liquidación e pagamento
Os contribuíntes deste imposto están obrigados a autoliquidar o imposto e efectuar o ingreso da débeda tributaria.
O período de liquidación é o ano natural, e a autoliquidación correspondente a cada período de liquidación debe presentarse dentro dos primeiros vinte días naturais do mes de abril do ano posterior ao da devindicación do imposto.
En caso de que se domicilíe o pagamento do imposto, o prazo de presentación da autoliquidación finalizará o día 15 do mes de abril do ano posterior ao da devindicación do imposto.
A presentación da autoliquidación debe realizarse por vía telemática a través de internet, mediante o modelo 589 «Imposto sobre o Valor da Extracción de Gas, Petróleo e Condensados.Autoliquidación e pagamento fraccionado».