Base impoñible, tipo impositivo e cota íntegra

A base impoñible do imposto estará constituída polo peso dos gases fluorados de efecto invernadoiro obxecto do imposto, expresada en quilogramos.

O tipo impositivo resulta de aplicar o coeficiente 0,015 ao potencial de quentamento atmosférico (ou PCA) que corresponda a cada gas fluorado de efecto invernadoiro obxecto do imposto no momento de realización do feito impoñible, de acordo coa normativa vixente no devandito momento, co límite máximo de 100 euros por quilogramo. Con esta finalidade, considerarase o PCA dos gases dispostos no anexo I do Regulamento (UE) 2024/573. No caso das mesturas, o  PCA da mestura calcúlase como a media ponderada da suma das fraccións en peso de cada un dos gases obxecto do imposto multiplicados por seus PCA .

A cota íntegra do imposto é a cantidade resultante de aplicar á base impoñible o tipo de gravame. No caso de que os gases fluorados de efecto invernadoiro obxecto do imposto estean contidos en produtos, equipos ou aparellos e non se dispoña dos datos necesarios para a determinación da súa cantidade, presumirase, agás proba en contrario, que a cantidade de gas contida é a establecida no apartado Once.2 do artigo 5 da Lei do Imposto.