Rexistro Territorial do Imposto Especial sobre a Electricidade

Están obrigados a inscribirse neste Rexistro Territorial:

1. Os contribuíntes do Imposto Especial sobre a Electricidade.
2. Os representantes dos contribuíntes non establecidos en territorio español.
3. Os beneficiarios da exención disposta para a electricidade consumida polos titulares das instalacións de produción de enerxía eléctrica de tecnoloxía renovable, coxeración e residuos cuxa potencia instalada non supere os 50 megavatios (MW).
4. Os beneficiarios da exención disposta para a electricidade consumida que fose xerada por pilas de combustibles.
5. Os beneficiarios da exención disposta para a electricidade consumida nas instalacións de produción de electricidade para a realización da devandita actividade, así como a enerxía eléctrica subministrada ás instalacións de produción, transporte e distribución de enerxía eléctrica para a realización nas mesmas destas actividades.
6. Os beneficiarios das reducións do 85% da base impoñible do imposto previstas no artigo 98.1 da Lei de Impostos Especiais.No suposto de que a electricidade para regos agrícolas se subministre a través dun contrato cuxa titularidade corresponda a unha comunidade de regadores ou a unha confederación hidrográfica, será a comunidade ou confederación quen deba solicitar a inscrición no Rexistro Territorial.

Debes inscribirte no Rexistro Territorial da Oficina Xestora correspondente ao lugar onde radique o establecemento onde exerces a túa actividade ou, no seu defecto, onde radique o teu domicilio fiscal.

Para poder inscribirte no Rexistro Territorial do Imposto Especial sobre a Electricidade debes figurar de alta no Censo de Empresarios, Profesionais e Retedores pola actividade á que se refire a inscrición.

Ademais, se solicitas a inscrición como beneficiario de reducións ou exencións debes estar ao corrente das túas obrigas tributarias.

Debes presentar unha solicitude de inscrición no Rexistro Territorial do Imposto Especial sobre a Electricidade a través da sede electrónica da Axencia Tributaria.

Para iso tes que acceder ao trámite “solicitude inscrición” dentro do procedemento II.EE. Inscrición no censo Imposto sobre a Electricidade.

Na solicitude deberás indicar:

• A Oficina Xestora de Impostos Especiais,

• Os datos do interesado (NIF, apelidos e nome ou razón social, datos de contacto)

• Datos da actividade:

• actividade para a que se solicita a inscrición (seleccionar a opción desexada)

• Tipos de usos da enerxía eléctrica con redución do 85% (seleccionar a opción desexada)

• Datos do domicilio do establecemento.

• CUPS (Código Universal de Punto de Subministración), nas inscricións relativas a supostos de exención ou redución.

Se por un mesmo punto de subministración recibes electricidade, e non toda se destina á actividade con dereito a exención ou redución, deberás especificar a porcentaxe destinada á actividade con beneficio fiscal.

Unha vez enviada a solicitude de inscrición, deberás achegar a seguinte documentación:

• Documentación acreditativa da representación, se actúas mediante representante.

• Memoria descritiva da actividade, con indicación a epígrafe do Imposto sobre Actividades Económicas que lle corresponde a esta.

• Identificación e descrición do establecemento no que, se é o caso, se vaia desenvolver a actividade.

• As autorizacións previstas pola normativa específica do sector eléctrico, cando resulten necesarias para o exercicio da actividade pola que se produce a inscrición.

• Se solicitas a inscrición como beneficiario da exención disposta no artigo 94.5 da Lei de Impostos Especiais, documentación acreditativa da potencia instalada na instalación de produción da enerxía eléctrica.

  Poderás achegar esta documentación a través da sede electrónica da Axencia Tributaria, accedendo ao trámite “consulta e achega de documentación complementaria da solicitude de inscrición” dentro do procedemento II.EE. Inscrición no censo Imposto sobre a Electricidade.

Recorda que se tes dous ou máis actividades ou establecementos debes solicitar a inscrición por cada un deles.

A Oficina Xestora notificarache o acordo de inscrición xunto coa tarxeta acreditativa da inscrición, que inclúe o Código de Identificación da Electricidade (CIE) que lle corresponde.

O Código de Identificación da Electricidade (CIE) é un código configurado por 13 carácteres que identifica aos obrigados inscritos no Rexistro Territorial do Imposto Especial sobre a Electricidade.

Os carácteres sexto e sétimo do CIE identifican á oficina xestora na que se efectúa a inscrición, e os carácteres oitavo e noveno identifican a clave da actividade asociada á inscrición.

Se es contribuínte, deberás consignar o Código CIE nas autoliquidacións e demais declaracións que teñas que presentar por este imposto.

Se es beneficiario dalgunha de exención ou redución prevista na Lei de Impostos Especiais, para poder beneficiarte dos mencionados beneficios fiscais, debes exhibir a tarxeta na que consta o CIE ao teu subministrador no momento da subministración.