Nota Informativa sistema SIANE

O 1 de xullo de 2019 A Axencia Tributaria implantou o novo sistema de xestión dos documentos utilizados no ámbito dos produtos obxecto dos Impostos Especiais, en relación cos seguintes procedementos:

• Procedemento de vendas en ruta (Artigo 27 do Regulamento dos Impostos Especiais)
• Avituallamentos de carburantes a aeronaves (Artigo 101 do Regulamento dos Impostos Especiais)
• Avituallamentos de carburantes a embarcacións (Artigo 102 do Regulamento dos Impostos Especiais)

Na sede electrónica da Axencia Tributaria habilitouse un acceso específico en que poderás obter a información deste sistema e cumprir as obrigas tributarias relativas a estes procedementos, a través do SISTEMA INTEGRADO DE AVITUALLAMENTOS E NOTAS DE ENTREGA (SIANE).

Información a presentar a Axencia Tributaria a partir do 1 de xullo de 2019

Os novos procedementos de xestión e control destas operacións, resultan de aplicación a partir do 1 de xullo de 2019, con respecto ás expedicións e avituallamentos realizados a partir da devandita data.

A información que hai que presentar á Axencia Tributaria correspondente aos procedementos indicados poderase presentar a través do portal SIANE, e se é o caso  EMCS interno (versión 2), que se encontra dispoñible na sede electrónica da Axencia Tributaria desde o mes de xuño de 2019.

Non obstante, co fin de facilitar o cumprimento das súas obrigas aos establecementos afectados polos novos sistemas de xestión, e ante a imposibilidade técnica de implantar as modificacións precisas nos sistemas informáticos por parte dun elevado número de operadores, unido á necesidade de dispor dun período de probas suficiente que garanta o correcto funcionamento dos mesmos, ata o 30 de setembro de 2019, admitirase a presentación da información á Axencia Tributaria mediante os sistemas en vigor con anterioridade ao 1 de xullo de 2019.

En consecuencia, ata o día 30 de setembro de 2019, poderán continuar presentandose a Axencia Tributaria a información correspondente ás subministracións e avituallamentos realizados desde o 1 de xullo a través dos modelos:

Modelo 511. Relación mensual de notas de entrega de produtos co imposto reportado a tipo reducido, expedidos polo procedemento de vendas en ruta.

Modelo 540. Avituallamentos exentos aeronaves. Vendas en ruta

Modelo 541. Avituallamentos exentos a embarcacións. Vendas en ruta

Modelo 542. Avituallamentos exentos. Aeronaves

Modelo 543. Avituallamentos exentos. Embarcacións e operacións de dragado

Desde o 1 de outubro de 2019 só se admitirá a presentación da información correspondente a estes procedementos a través do Sistema SIANE, e se é o caso,  EMCS interno (versión 2).