1.3. Cadro de persoal e orzamento

Para o cumprimento da súa misión, a Axencia Tributaria contaba en data 31 de decembro de 2012 cun cadro de persoal de 26.962 persoas, un 2,35 por cento menos que en 2011, das que o 53,25 por cento son mulleres e o 46,75 por cento homes, cunha idade media de 49,14 anos (0 ’63 anos máis que en 2011).

O cadro de persoal da Axencia Tributaria é inferior á media das Administracións tributarias dos países da OCDE, baseando a súa xestión na alta especialización e cualificación dos profesionais que a integran e na utilización intensiva das novas tecnoloxías.

En 2012, a Axencia Tributaria contou cun orzamento de 1.302,8 millóns de euros. O gasto total ascendeu a 1.291,4 millóns de euros, un 6,9 por cento menos que en 2011, aínda que esta diminución orzamentaria non afectou á capacidade operativa da Axencia Tributaria como o proba o elevado nivel de cumprimento dos seus obxectivos.

A distribución por capítulos das obrigas recoñecidas é a seguinte:

*Importe en millóns de euros

A diminución dos gastos de persoal é consecuencia, por un lado, da diminución do cadro de persoal antes referido e, doutro , da supresión da segunda paga extraordinaria dos empregados públicos. Pola súa banda, a minoración de gastos correntes obedece principalmente ao aforro en notificacións e comunicacións-froito da substitución das notificacións postais por notificacións electrónicas, da potenciación do servizo RENØ de obtención do borrador por Internet e da publicación de edictos na sede electrónica da Axencia en lugar de no Boletín Oficial do Estado - así como ao aforro en gastos de arrendamento.

Anexos: