2.1. Recadación tributaria bruta

A recadación tributaria bruta está constituída polos ingresos efectivos obtidos no exercicio procedente tanto das autoliquidacións presentadas polos contribuíntes como das liquidacións practicadas pola Axencia Tributaria. Responde, polo tanto, a un criterio de caixa.

A recadación bruta total xestionada pola Axencia Estatal de Administración Tributaria en 2012 ascendeu a 212.741 millóns de euros, cun aumento de 2.832 millóns (1,3 por cento) con respecto a 2011.

No seguinte cadro obsérvase que, por figuras tributarias, o crecemento explícase polo Imposto sobre Sociedades (aumento de 4.177 millóns). Respecto do resto de grandes figuras, pódese constatar a evolución estable do Imposto sobre a Renda das Persoas Físicas e as significativas caídas tanto do Imposto sobre o Valor Engadido (2,1 por cento) como dos Impostos Especiais (4,9 por cento).