3.2.1. Servizos de información tributaria

A Axencia Tributaria pon a disposición dos cidadáns en Internet o “Programa INFORMA”, base de datos que contén, en formato pregunta-resposta, os principais criterios de aplicación da normativa tributaria. En 2012, o número de accesos a este programa ascendeu a 4.484.883, un 34 por cento menos que en 2011.

Así mesmo, dispón dun Servizo Telefónico de Información Tributaria Básica (901 33 55 33) sobre os principais impostos, de luns a venres de 9 a 19 horas (agás no mes de agosto en que o horario de atención é de 9 a 15 horas). En 2012 atendeu 6.243.355 chamadas fronte ás 5.701.643 atendidas no ano anterior, o que supón un incremento do 9,5 por cento.

Ademais remitiu aos cidadáns máis de 72 millóns de cartas informativas e publicou manuais prácticos dos principais impostos (257.000 exemplares), así como numerosos folletos informativos, como o calendario do contribuínte, marcadores para libros cos números dos servizos telefónicos da Axencia Tributaria, carteis do calendario do contribuínte e folletos do DNI electrónico.

Anexos: