4.1.1. Cesión de información para finalidades non tributarias

A Axencia Tributaria cede información a outras Administracións Públicas para que estas poidan exercer as funcións que teñen encomendadas e prestar ao cidadán de maneira máis eficiente os servizos públicos para os que son competentes. Esa cesión de información require con carácter xeral o previo consentimento do interesado.

A información tributaria así proporcionada a outros organismos públicos, ademais de aforrar aos cidadáns millóns de desprazamentos anuais para solicitar certificados tributarios e reducir os tempos de tramitación e os custos de xestión das Administracións, contribuíu a evitar e combater fraudes na obtención de prestacións sociais, subvencións ou axudas públicas.

Como principal novidade do ano 2012, a Axencia Tributaria subscribiu un convenio de cesión de información co Ministerio de Sanidade, Servizos Sociais E Igualdade e a Secretaría de Estado da Seguridade Social para o recoñecemento e control da condición de asegurado ou beneficiario e determinación do nivel de achega de cada usuario nas prestacións do Sistema Nacional de Saúde.