1.2. Funcións

Para a aplicación efectiva do sistema tributario estatal e aduaneiro, a Axencia Tributaria desprega un conxunto de actuacións entre as que destacan as seguintes:

• A xestión, inspección e recadación dos impostos cuxa xestión corresponde ao Estado, principalmente, Imposto sobre a Renda das Persoas Físicas, Imposto  sobre Sociedades, Imposto sobre a Renda de non Residentes, Imposto sobre o Valor Engadido e Impostos Especiais.
• A recadación de ingresos propios da Unión Europea.
• A xestión aduaneira e a represión do contrabando, así como a seguridade na cadea loxística.
• A recadación en vía executiva de ingresos de dereito público da Administración xeral do Estado e dos organismos públicos vinculados ou dependentes dela.
• A recadación de determinadas débedas de Entidades Locais e Comunidades Autónomas, cando así se acordase por convenio.
• As actuacións de asistencia, colaboración e cooperación con outros Estados membros ou países terceiros con quen  se conviñese para a aplicación dos tributos.
• A colaboración na persecución de determinados delitos; fundamentalmente, aqueles  contra a Facenda pública, os delitos de contrabando e de branqueo de capitais.
• A previsión de ingresos tributarios, o seguimento e análise da recadación e a elaboración de estatísticas de base tributaria.
• A colaboración co resto das Administracións en diferentes aspectos da xestión do sistema tributario e na atención a convenios en materia de intercambio de información e o deseño e selección de mostras.

Complementan esta relación os seguintes cadros explicativos: