2.1. Recadación tributaria bruta

A recadación tributaria bruta está constituída polos ingresos efectivos obtidos no exercicio, que  proceden tanto das autoliquidacións presentadas polos contribuíntes como das liquidacións practicadas pola Axencia Tributaria. Responde, polo tanto, a un criterio de caixa.

A recadación bruta total xestionada pola Axencia Estatal de Administración Tributaria, en 2013, ascendeu a 219.761 millóns de euros, cun aumento de 7.020 millóns (3,3 por cento) con respecto ao mesmo período de 2012.

No seguinte cadro obsérvase que, por figuras tributarias, o crecemento explícase polos maiores ingresos no Imposto sobre o Valor Engadido (3.876 millóns), en Imposto sobre Sociedades (1987 millóns) e en  Impostos Especiais, todos eles afectados polos cambios normativos. Respecto do resto de grandes figuras, o Imposto sobre a Renda das Persoas Físicas presenta unha lixeira caída do 0,2 por cento.

Recadación tributaria bruta total (millóns de euros)