2.3.1. Resultados da prevención e control da fraude tributaria e aduaneira

A Axencia Tributaria obtivo en 2013 uns resultados procedentes da prevención e control da fraude de 10.091,46 millóns de euros que comprenden tanto os ingresos directos de actuacións de control realizado pola Axencia Tributaria, como as minoracións das devolucións solicitadas polos contribuíntes como consecuencia de actuacións de comprobación realizada sobre os mesmos.

Os ingresos directos de actuacións de control ascenderon a 8.186,76 millóns de euros. Pola súa banda, as devolucións minoráronse en 1.904,70 millóns, cifra que inclúe as minoracións efectuadas con ocasión de solicitudes de rectificación de autoliquidacións.