3.2.1. Información tributaria

A Axencia Tributaria pon en Internet a disposición dos cidadáns o “Programa INFORMA”, base de datos que contén, en formato pregunta-resposta, os principais criterios de aplicación da normativa tributaria. En 2013, realizáronse 5.030.699 accesos a este programa, un 12 por cento máis que en 2012.

Así mesmo, dispón dun Servizo Telefónico de Información Tributaria Básica (901 33 55 33) sobre os principais impostos, de luns a venres de 9 a 19 horas (agás no mes de agosto, que o horario de atención é de 9 a 15 horas). En 2013 atendéronse 5.852.903 chamadas fronte a 6.243.355 no ano anterior, o que supón un descenso do 6,25 por cento.

Ademais, remitíronse  aos cidadáns máis de 85 millóns de cartas informativas e publicáronse manuais prácticos dos principais impostos (234.000 exemplares), así como numerosos folletos informativos, o calendario do contribuínte, marcadores para libros cos números dos servizos telefónicos da Axencia Tributaria, carteis do calendario do contribuínte e folletos do DNI electrónico.

Anexos: