3.2.2 Programas informáticos de axuda e formularios para a confección de declaracións
A Axencia Tributaria ofrece aos contribuíntes programas informáticos para confeccionar as declaracións dos principais impostos. Mediante eles xéranse a maior parte das declaracións presentadas, concretamente, o 99,6 por cento das declaracións do Imposto sobre a Renda das Persoas Físicas, o 93,3 por cento do Imposto sobre o Valor Engadido e o 100 por cento do Imposto sobre Sociedades.
Ademais, para algúns modelos de declaración, a Axencia Tributaria pon en Internet a disposición dos contribuíntes formularios electrónicos que permiten cubrir directamente a declaración sen necesidade de descargar o programa de axuda e xerar un ficheiro coa declaración para a súa presentación telemática ou impresión en papel.