3.2.6. Obtención de certificados

Conforme á normativa vixente, existen numerosos supostos en que os cidadáns se ven obrigados a acreditar fronte ás Administracións públicas ou ante  os organismos e entidades dependentes das mesmas, o feito de encontrarse ao corrente do cumprimento das súas obrigas tributarias ou calquera outra circunstancia de carácter tributario, como, por exemplo, o nivel de renda.

Co obxecto de xestionar este servizo de maneira máis eficiente e facilitar aos cidadáns esta acreditación evitando que deban desprazarse ás nosas oficinas para a obtención do correspondente certificado, a Axencia Tributaria pode subministrar directamente ás Administracións públicas solicitantes dos certificados, mediante transmisión de datos, a información contida nos citados certificados, coa mesma validez e eficacia que estes.

Durante o ano 2013, a cifra de certificados evitados sitúase en 24.453.418, o que supón un aumento do 32,63 por cento con respecto ao ano 2012.

Ademais, a cifra de certificados solicitados directamente polos cidadáns nas oficinas da Axencia durante o ano 2013 foi 1.662.966,  o que supón  un descenso do 0,18 por cento con respecto aos de 2012.