3.2.9. Colectivos que precisan de atención especial: persoas con discapacidade

A Axencia Tributaria ten subscrito, desde o ano 2004, un Convenio de colaboración coa Asociación de Representantes de Persoas con Discapacidade e coa Fundación ONCE. No marco deste Convenio apróbase, de acordo coas devanditas entidades, un Plan Anual de Asistencia ás Persoas con Discapacidade no ámbito da Axencia Tributaria. No devandito plan inclúense actuacións de información e asistencia, accesibilidade na web e nas oficinas, accións de formación tendente a sensibilizar os funcionarios da Axencia Tributaria coas necesidades deste colectivo, etc.

Durante o exercicio 2013 cumpríronse,  practicamente, a  totalidade das previsións incluídas no Plan Anual, a pesar das limitacións orzamentarias.

A continuación, móstrase a situación actual da accesibilidade aos edificios da Axencia Tributaria:

A accesibilidade acada ao 94 por cento dos edificios (85 por cento en entrada principal máis o 9 por cento en entrada alternativa).

Os edificios con aseos adaptados representan un 62 por cento do total.

No referente aos ascensores, convén aclarar que hai numerosos inmobles (basicamente Administracións) que teñen unha única planta e polo tanto non necesitan de ascensor.