3.3.1. Resultados da prevención e control da fraude tributaria e aduaneira

A Axencia Tributaria obtivo en 2014 uns resultados procedentes da prevención e control da fraude de 11.484,02 millóns de euros, que comprenden tanto os ingresos directos de actuacións de control realizado pola Axencia Tributaria, como as minoracións das devolucións solicitadas polos contribuíntes como consecuencia de actuacións de comprobación realizada sobre os mesmos. Neste exercicio pasaron a formar parte destes resultados os ingresos efectuados polos contribuíntes denunciados en procesos xudiciais por delito contra a Facenda Pública, por un total de 187 millóns de euros.

Os ingresos directos de actuacións de control ascenderon a 8.680,74 millóns de euros. Pola súa banda, as devolucións minoráronse en 2.803,28 millóns, cifra que inclúe as minoracións efectuadas con ocasión de solicitudes de rectificación de autoliquidacións.