4.5.1. Control interno

Como órgano especializado de control interno, ten a misión de avaliar o sistema de control interno e favorecer o desenvolvemento do mesmo, mediante a realización de inspeccións de servizos e auditorías aos órganos centrais e territoriais da Axencia.

Actuacións de inspección:

As actuacións de inspección do Servizo de Auditoría están suxeitas ao principio de planificación establecida regulamentariamente para a Inspección Xeral, elaborandose con carácter anual o Plan de Actuacións da Inspección dos Servizos que se aproba polo presidente da Axencia.

Como consecuencia destas actuacións de inspección dos servizos, o Servizo de Auditoría Interna elabora informes, que poden conter recomendacións aos Departamentos da Axencia (mocións) e ás Xefaturas das Unidades auditadas (propostas).

No ano 2014 elaboráronse 91 informes sobre resultados da xestión, que supuxeron a emisión de 17 mocións e 455 propostas. Estas cifras son similares ás de 2013, en que se elaboraron 95 informes, 12 mocións e 507 propostas.

Seguimento e avaliación permanente dos sistemas de control interno de xestión, riscos e condutas

O Servizo de Auditoría Interna realiza este seguimento e avaliación a través da máis ampla cooperación cos Departamentos e Servizos Centrais e coas diversas Delegacións Territoriais.

A colaboración institucional cos distintos Departamentos exércese igualmente a través do funcionamento das diversas Comisións Sectoriais de Seguridade e Control, creadas na Axencia Tributaria para as seguintes áreas ou sectores: de Xestión Tributaria, de Inspección Financeira e Tributaria, de Recadación, de Aduanas e Impostos Especiais e Vixilancia Aduaneira, de Seguridade Xeral e Xestión Económica e de Informática Tributaria.