2.4. Axencia Tributaria electrónica

Desde a súa creación, a Axencia Tributaria foi pioneira no campo da administración electrónica, e o uso intensivo das novas tecnoloxías da información e das comunicacións foi unha constante que levou a dispor, hoxe en día, dunha auténtica “Axencia Tributaria electrónica”.

Ao longo dos últimos exercicios, a canle electrónica converteuse no máis utilizado nas relacións cos contribuíntes. O ano 2017 non foi unha excepción, e acometéronse proxectos de grande importancia, entre os que destaca a posta en marcha do novo sistema de xestión do IVE baseado na Subministración Inmediata de Información (SII). Como consecuencia da implantación deste sistema, introducíronse as seguintes novidades:

Calculadora de prazos. Co obxecto de facilitar o cálculo dos prazos para a remisión de rexistros das facturas a través do SII , no mes de xullo puxose en produción unha ferramenta de cálculo coa que poder obter a data límite para remitir os rexistros, así como o período e exercicio de anotación no Libro rexistro de facturas emitidas e no Libro rexistro de facturas recibidas, para cada unha das distintas claves de facturas. En 2017 rexistráronse 200.000 accesos a esta ferramenta.
Asistente Virtual. No segundo semestre do exercicio puxose en produción esta nova ferramenta de información e asistencia que, mediante a utilización de técnicas de intelixencia artificial, permite contestar de forma interactiva ás cuestións expostas polos contribuíntes en materia de SII de forma inmediata, pormenorizada e estandarizada. O Asistente compleméntase cun caixa de correo de correo electrónico. Durante 2017 computáronse arredor de 30.000 consultas, entre accesos ao Asistente e correos electrónicos.
Enderezos de correos en que se poden propor consultas, previa formalización dun formulario correspondente ao SII . Estas canles de consulta responden dúbidas tanto funcionais e normativas como técnicas. Ata o día 31 de decembro de 2017 foron contestadas 15.813 dúbidas relacionadas con aspectos tributarios do SII , ás que habería que adicionar as expostas a nivel técnico (informático) ao Departamento de Informática Tributaria. Estas últimas ascenden a 18.792 dúbidas resoltas.
Tamén, desde xaneiro de 2017, existe un Foro en que participan usuarios dunhas 40 empresas e a propia Axencia Tributaria. Neste Foro trátanse de resolver cuestións de impacto xeral na implantación do sistema. Para unha atención especializada das cuestións existen dous subforos, un de cuestións técnicas e outro de cuestións normativas e funcionais. Durante o exercicio 2017, no subforo tributario tratáronse 300 temas e respondido a 1.065 preguntas, e no subforo informático tratáronse 143 temas e respondido a 438 consultas.

Hai que destacar tamén as modificacións que cumpriu realizar no ámbito dos certificados tributarios pola entrada en vigor en 2016 da nova regulación do procedemento administrativo común, e que impón a obriga de relacionarse por vía electrónica coas Administracións Públicas a novos colectivos. Tamén a futura obrigatoriedade do novo sistema de devolución do IVE a viaxeiros (DIVA) a partir de 2019 e a entrada en vigor do novo Código Aduaneiro da Unión ocuparon os traballos en materia de Administración electrónica.

Como consecuencia da entrada en vigor destes proxectos e para optimizar a experiencia dos usuarios, abordáronse en 2017 iniciativas destinadas a simplificar o uso da tecnoloxía e a facilitar a tramitación de todos os procedementos mediante a creación de servizos avanzados, como por exemplo os xa citados da calculadora de prazos ou o asistente virtual en relación co SII , servizos que poden estenderse nun futuro a outros ámbitos.

Por suposto, ao longo de 2017 mantivose a avaliación permanente e revisión dos servizos telemáticos para ir acometendo melloras continuas en función das novas disposicións normativas e das necesidades e demandas dos contribuíntes. Neste sentido cabe citar a progresiva eliminación dos programas de axuda que requirían a súa descarga e instalación nos equipos dos usuarios e a súa substitución por formularios accesibles desde calquera dispositivo móbil e navegador.

Un exemplo relevante do uso polos contribuíntes das novas tecnoloxías na súa relación coa Axencia Tributaria é o número de visitas aos portais web da Axencia Tributaria, que en 2017 acadou a cifra de 1.974.567.410, incluíndo os accesos ás páxinas intermedias das propias aplicacións da Axencia Tributaria.

Para máis información, no apartado 4.3. desta Memoria desenvólvense os servizos prestados por medios electrónicos.