3.2.2. Evolución de ingresos por Imposto sobre o Valor Engadido

A recadación por IVE en 2019 medrou un 1,9 por cento. A tendencia xeral do IVE no ano 2019 foi, como noutros casos, de desaceleración, tanto pola parte real coma pola parte dos prezos. A evolución do IVE bruto, como xa se comentou, ilustra esta tendencia: na primeira metade o ano os ingresos brutos (sen os ingresos procedentes doutros períodos que se recollen no resto) aumentaban a taxas superiores ao 4 por cento e, porén, o crecemento final do ano foi do 3,6 por cento. Por colectivos, o aumento nas pemes foi superiores (4 por cento) fronte ao procedente da importación, das Grandes Empresas e doutros declarantes con obriga mensual (3,3 por cento), aínda que en ambos os dous casos o ritmo foise moderando segundo avanzaba o ano.