4.1.6. Programa de Educación Cívico-tributaria
Durante o ano 2019, continuouse coa execución do Programa de Educación Cívico-tributaria desenvolvido pola Axencia Tributaria desde o ano 2003. En colaboración coa comunidade educativa, realizáronse diversas actuacións dirixidas a nenos e adolescentes para fomentar unha conciencia fiscal nos futuros contribuíntes de xeito que asimilen a responsabilidade fiscal como un dos valores sobre os que se organiza unha sociedade democrática. Todas as actuacións nesta materia desenvolvéronse por persoal da Axencia Tributaria que participou de maneira voluntaria.
Este programa conta na actualidade con 241 formadores, distribuídos por todas as Delegacións do territorio nacional; realizando entre outras actividades as seguintes:
-
Xornadas de portas abertas (visitas as Delegacións) coa participación de cerca de 13.537 alumnos (Primaria, ESO e Bacharelato).
-
Visitas centros educativos por parte de persoal da Axencia Tributaria, coa participación de máis de 37.736 alumnos.
-
Tamén se impartiron cursos e charlas en Facultades e Escolas Universitarias, cunha participación de 3.044 alumnos.
-
Hai que destacar o aumento das actividades realizadas en Facultades e Escolas Universitarias, favorecido pola sinatura de Protocolos de Colaboración coas mesmas. No ano 2019 asináronse 23 Protocolos de Colaboración coas Universidades, que recollen entre os seus obxectivos a transmisión dos valores cívicos tributarios. Faise especial fincapé nas Facultades de Ciencias da Educación, e nos Centros de Formación do Profesorado.
Estas cifras supoñen que a Axencia Tributaria chegou durante 2019 a un 18,81% máis de escolares e universitarios que o ano anterior, o que reflicte ese impulso dado á materia.
O programa conta como ferramenta didáctica fundamental co Portal de Educación Cívico-tributaria Nova xanela.
En 2019 hai que destacar a celebración do segundo ano do actualizado Concurso Nacional para Centros Escolares no marco do Programa de Educación Cívica Tributaria, en que participaron os alumnos de 5.º e 6.º de Educación Primaria, ESO, Bacharelato e ciclos formativos básicos ou de grao medio de Formación Profesional que asistisen ás charlas ou xornadas; presentando traballos como redaccións ou pezas publicitarias (carteis gráficos ou vídeos). Ao final do ano celebrouse a entrega de premios nacional por parte do director xeral da Axencia Tributaria no salón de actos da súa sede.
En novembro do ano 2017, publicouse o Portal de Educación Tributaria Europeo TAXEDU, en cuxo desenvolvemento participou moi activamente a Axencia Tributaria, e segue participando, colaborando na súa difusión.