4.3.3. Presentación telemática de declaracións tributarias
No caso das declaracións informativas, no ano 2019 produciuse unha mellora na calidade da información recibida e realizáronse maiores controis e validacións na entrada de datos. Tamén se creou unha nova vía de presentación denominada TGVI en liña, que permite a recepción e validación en tempo de envío de ficheiros voluminosos. Puxo en marchase un novo ciclo de vida de xestión das declaracións e obtivéronse melloras nos procesos de identificación dos contribuíntes.
No que fai a Sociedades, substituiuse o programa de axuda de escritorio de Sociedades por un formulario web, coas vantaxes que achega a xestión de declaracións e a mellora de calidade que este cambio implica. Tamén se desenvolveu unha versión OPEN do programa de axuda para simulacións e formación.
No referente a Renda WEB, durante a campaña de Renda 2018 desenvolveuse unha nova aplicación denominada Carteira de Valores que ofrece todos os datos das operacións realizadas no exercicio anterior e permite o posterior traslado da devandita información a Renda WEB. Tamén se ampliaron as funcionalidades da App da Axencia Tributaria en relación coa presentación de declaracións de Renda e implementouse unha nova opción de pagamento denominado “Documento para ingresar en banco/caixa”.
No Gráfico nº 44. Evolución das declaracións do Imposto sobre a Renda das Persoas Físicas presentadas por medios telemáticos Nova xanela (Anexo) móstranse as cifras que reflicten o desenvolvemento neste ámbito.