4.1.8.2 Base Única de Coñecemento Tributario

O establecemento dun sistema integrado e global de administración tributaria, desenvolvido no medio informático da Axencia Estatal de Administración Tributaria, que integra no mesmo sistema aos distintos organismos da Administración Tributaria, posibilita e require un sistema de xestión do coñecemento integrado, mediante a creación dunha base única de coñecemento tributario (BUC), para o que deben terse en conta tanto os aspectos organizativos como os aspectos técnicos.

A instrución primeira da Instrución conxunta da secretaria de Estado de Facenda e da Subsecretaria de Facenda en relación co impulso, seguimento e control da implantación dun novo modelo de xestión informática no Tribunal Económico Administrativo Central (TEAC) e a Dirección Xeral de Tributos (DGT), do 29 de xaneiro de 2021, crea un Grupo de traballo para o impulso, seguimento e control das actuacións necesarias para a implantación do novo modelo de xestión informática no TEAC e na DGT.

A instrución cuarta, ao abordar o desenvolvemento das súas funcións polo Grupo de traballo, expresamente manifesta como unha delas o “Deseño dunha base de coñecemento tributario única, para o que deben terse en conta tanto os aspectos organizativos como os aspectos técnicos.”

A creación dunha base única de coñecemento tributario implica a xestión do coñecemento que debe contribuír ao estudo e resolución dos expedientes.