Saltar ao contido principal

A Axencia Tributaria participa no XVII Congreso Tributario organizado polo Consello Xeral do Poder Xudicial (CGPJ) e a Asociación Española de Asesores Fiscais (AEDAF)

A Axencia Tributaria participou na XVII edición do Congreso Tributario organizado pola Asociación Española de Asesores Fiscais (AEDAF) xunto ao Consello Xeral do Poder Xudicial (CGPJ) que se celebrou os días 25 a 27 de maio en Córdoba.

Os relatores do Congreso analizaron en sete relatorios diversas materias de actualidade no ámbito xurídico-tributario analizando a xurisprudencia máis recente e conversando e dando opinión sobre as cuestións máis controvertidas en cada un dos asuntos.

Representantes da Axencia Tributaria participaron como relatores nas seguintes sesións:"Costas procesuais e tutela xudicial efectiva, Consecuencias do caso 'Saquetti':que acontece coa dobre instancia xudicial?,  "O novo valor de referencia do mercado inmobiliario”, as "Suspensións preventivas do procedemento recadatorio” e as "Derivacións de responsabilidade, con especial referencia á dualidade responsabilidade tributaria vs mercantil e aos supostos do art.º 42.2.a) LGT". 

O Congreso, que contou coa participación de profesionais do ámbito tributario e especialistas de recoñecido prestixio da xudicatura, da Administración tributaria e do ámbito académico, foi clausurado por Gerardo Martínez Tristán (Maxistrado da Audiencia Nacional e Vogal do CGPJ), Jesús Gascón Catalán (Director Xeral da Axencia Tributaria) e Enrique Lang-Lenton Bonny (Vicepresidente da AEDAF).

Madrid, maio de 2022