Coa finalidade de mellorar a eficiencia enerxética de vivendas amplíase un ano máis o ámbito temporal de aplicación da dedución prevista para ese fin no Imposto sobre a Renda das Persoas Físicas. Desta forma, díspónse dun maior prazo para poder acometer tales obras que permiten reducir o consumo de enerxía primaria non renovable ou a demanda de calefacción ou de refrixeración das mesmas.

O obxectivo desta medida é promover o desprazamento dos combustibles fósiles por enerxías renovables producidas de forma autóctona para contribuír á loita contra o cambio climático e a mellora da seguridade enerxética do país.

O Real Decreto-lei 18/2022, do 18 de outubro, polo que se aproban medidas de reforzo da protección dos consumidores de enerxía e de contribución á redución do consumo de gas natural en aplicación do "Plan + seguridade para a túa enerxía (+SE)", no seu artigo 21, modifica a dedución no Imposto sobre a Renda das Persoas Físicas por obras de mellora de eficiencia enerxética en vivendas. Con efectos desde o 1 de xaneiro de 2023, modifícase a disposición adicional quincuaxésima da Lei 35/2006, do 28 de novembro, do Imposto sobre a Renda das Persoas Físicas e de modificación parcial das leis dos Impostos sobre Sociedades, sobre a Renda de non Residentes e sobre o Patrimonio.

Podes consultar os requisitos da citada dedución na sede electrónica da Axencia Tributaria, no seguinte apartado: Deducións por obras de mellora da eficiencia enerxética das vivendas .